2024-2025 оқу жылдарындағы 1 жартыжылдық
«Біртұтас тәрбие бағдарламасын» іске асыру жөніндегі есебі .
«Біртұтас тәрбие бағдарламасының» мақсаты:
Қазақстандық мәдениет құндылықтары негізінде азаматтық жауапкершілік пен патриотизм, парасаттылық пен адалдық, ар-ұждан, рухани-адамгершілік қасиеттерін бойына сіңірген, үйлесімді дамыған тұлға қалыптастыру.
Бағдарламаның міндеттері:
Рухани-адамгершілік қасиеттерді тәрбиелеу:
Қазақстан Республикасының Мемлекеттік рәміздерін құрметтеуге тәрбиелеу;
табиғатқа және қоршаған ортаға ұқыптылықпен қарауға тәрбиелеу.
Азаматтық жауапкершілік пен патриотизмді дамыту:
елінің жетістіктері үшін мақтаныш сезімін ұялату;
отбасы, қоғам және мемлекет алдындағы өз міндеттеріне саналы көзқарас қалыптастыру;
Бағдарлама мазмұны
Білім алушылардың бойында құндылықтарды дамыту білім беру ұйымдарының оқу-тәрбие процесі жағдайында жүйелі ұйымдастырылады. Бұл міндетті іске асыру білім беру мазмұны, сынып сағаттар мен сыныптан тыс іс-шаралары арқылы жүзеге асырылады.
Ай сайын өткізілетін тұрақты іс-шаралар білім алушылардың біртұтас тұлғасын қалыптастыруға бағытталуы тиіс:
Қыркүйек – еңбекқорлық және кәсіби біліктілік айы;
Қазан айы – тәуелсіздік және отаншылдық айы;
Қараша айы – әділдік және жауапкершілік айы;
Желтоқсан – бірлік және ынтымақ айы;
Қаңтар – заң және тәртіп айы;
Ақпан – жасампаздық және жаңашылдық айы;
Наурыз – тәуелсіздік және отаншылдық айы;
Сәуір – еңбекқорлық және кәсіби біліктілік айы;
Мамыр – бірлік және ынтымақ айы.
Бағдарламаның күтілетін нәтижелері
Бағдарламаны дәйекті және кешенді іске асыру нәтижесінде білім берудің барлық деңгейіндегі ұйым түлектерінің бойында құндылықтар мен негізгі құзыреттері қалыптастыру және дамыту күтіледі:
Құндылық: Тәуелсіздік және отаншылдық
Құзыреттілік: ұлттық мүддені дамыту
Бастауыш мектеп түлегі:
Мемлекеттік тілді білу және құрметтеу;
Отбасының құндылығын түсіну;
Қоршаған ортаға қамқорлық жасау.
Құндылық : бірлік және ынтымақ
Құзыреттілік:тиімді коммуникация
Бастауыш мектеп түлегі:
Командада жұмыс істеу і бір-бірін тыңдау және ортақ мақсатқа жетуде бірлесіп әрекет ету;
Өз ісіне мұқият болу және басқаларға көмек көрсету.
Құндылық : әділдік және жауапкершілік
Құзыреттілік: қоғамға қызмет
Бастауыш мектеп түлегі:
Шындықты айту;
Достыққа адал болу,
Құндылық : заң және тәртіп
Құзыреттілік: азаматтық борыш және парасаттық
Бастауыш мектеп түлегі:
Өз құқықтары мен міндеттерін білу, әдеп нормаларын ұстану, сыныптағы және мектептегі мінез-құлық ережелерін сақтау
2024-2025 оқу жылына тәрбие жұмысы бойынша іс- шаралар жоспары жасалып, бекітілді. Жоспарға сәйкес Үкіатқан бастауыш мектебінде іс- шаралар ұйымдастырылды.
1 қыркүйек- Білім күніне орай салтанатты жиын ұйымдастырылды, жиын «Мектебім- мейірім мекені» тақырыбында 1-4 сыныптарға арналған сынып сағаттары өткізілді.
“Алтын күз” іс-шаралар ұйымдастырылды.
Қарттар күніне арналған іс-шаралар ұйымдастырылды, “Қарттар - асыл қазынам”
Денсаулық күніне орай, «Денсаулық фестивалі-2024» атты мектепішілік іс-шара өткізілді.
Республика күніне орай «Рәміздерім мақтанышым!» атты сыныптарда сынып сағаттары өткізілді
« Бірге кітап оқиық» оқуға құштар мектебі аясында іс-шаралар өткізілді.
Әр жұма сайын ұстаздар мен оқушылар ұлттық нақышта киініп жүреді.
«Күй күмбірі» – қоңыраудың орнына күйді пайдаланады, сондай-ақ үлкен үзіліс кезінде арнайы күй тыңдату
«Ұлттық ойын – ұлт қазынасы» – үзіліс кезінде білім алушылардың бос уақытын
ойын түрінде ұйымдастыру – асық, тоғызқұмалақ, бес тас және т.б ойындар үзіліс кезінде өткізіледі.
Тәуелсіздік күніне орай сынып сағаты өткізілді.
«Өнегелі отбасы» – ата-аналардың баласымен ұйымдастыратын іс-шаралар.
«Біртұтас тәрбие» жоспарына сәйкес мектепте ай сайын ,апта сайын іс-шарамыз уақытында өткізіледі.
«Қауіпсіздік сабағы»-жол қозғалысы ережелерін ,өмір қауіпсіздігі негіздерін зерделеу ,білім алушылардың жеке қауіпсіздігін,қауіпсіз мінез-құлқын сақтау туралы сынып сағаты шенберінде сынып сағаттары өткізіледі.
Қорыта келгенде: Біртұтас тәрбие жоспарын жоспар бойынша іске асыру.
Адамдар қанша өмір сүрсе, сонша тәрбие бар. Әрқашан үлкендер балаларды тәрбиелеп, оларды өмірге дайындады – оларға өмірлік құндылықтарды, сол кездегі басқа адамдармен қарым–қатынас жасау дағдыларын, еңбек дағдыларын үйретті, қоғамның тұрмыс-тіршілігі мен ережелерімен таныстырды - отбасын қалай құру керек, қалай тойлау керек, үлкендерге қалай қарау керек, өз жерін, отбасын қалай қорғау керек, т.б. Негізінде тәрбие қашанда болған. Ата–аналар, ата-әжелер, айналадағы барлық адамдар тәрбиеге өз үлестерін қосты - өз сөздерімен, іс-әрекеттерімен немесе іс-әрекеттерінің болмауымен. Соның нәтижесі – адам өмірі. Бұл нәтиже жақсы болса, әрбір бала өз жолында табысты өмірге апаратын ережелерді түсінуге көмектесетін, дүниедегі өз орнын түсінуге, қабілеттерін ашуға, өзіне және өз күшіне сенуге, өз өмірінің мәні мен мақсатын көруге, осы мақсатқа жетуге көмектесетін адамдарды кездестірсе, барлығына жақсы болады. . Мұнда, әрине, мектеп басты рөлді атқарады, біз "Біртұтас тәрбие" бағдарламасын жүзеге асыра отырып, осы бағытта жұмысымызды жалғастырамыз.
